Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Një anije mallrash që transportonte tre mijë makina u përfshi nga flakët, të cilat lanë të vdekur një person të ekuipazhit.
Roja bregdetare holandeze njoftoi se mbetën të lënduar disa persona të tjerë. Anije dhe helikopterë u përdorën për t’i ndihmuar 23 anëtarët e ekuipazhit pasi ata u përpoqën ta shuajnë zjarrin.
Disa nga anëtarët e ekuipazhit u hodhën nga anija në det dhe u shpëtuan nga varkat e shpëtimit, 27 kilometra në veri të ishullit holandez Ameland.
“Ekuipazhi nuk mundi ta merrte zjarrin nën kontroll, ai u zhvillua jashtëzakonisht shumë. Ekuipazhi u nxor menjëherë nga uji me një varkë shpëtimi dhe njerëzit u morën gjithashtu nga helikopteri i rojes bregdetare”, tha Edwin Grammeman-oficer i Rojeve bregdetare.
Disa pjesëtarë të ekuipazhit u dërguan në spitale në Holandën veriore, pas lëndimeve që morën.
Ende nuk dihet shkaku i zjarrit, ndërsa dyshimet e para tregojnë se zjarri ka shpërthyer në bateritë e makinave elektrike.
Ky është incidenti më i fundit që ngre dyshime mbi sigurinë e makinave elektrike dhe transportin e tyre me traget.
Top Channel
