Danimarka mban nën vëzhgim anijen kineze, dyshohet për sabotimin në Detin Baltik 20/11 17:59
11 persona dhe dhjetëra të plagosur është bilanci tragjik nga një zjarrvënie e qëllimshme në një lokal në Meksikë.
Autoritetet spanjolle thonë se kanë arrestuar një person i cili i vuri zjarrin lokalit pasi u dëbua nga punonjësit e sigurisë, duke vrarë 11 persona pranë kufirit të Arizonës në shtetin meksikan Sonora.
Zjarri shpërtheu në orët e para të së shtunës në një bar në San Luis Rio Colorado, pranë qytetit kufitar të Shteteve të Bashkuara të San Luis, Arizona, sipas një deklarate nga Zyra e Prokurorit të Përgjithshëm Sonora .
Një 17-vjeçare dhe një shtetase amerikane ishin në mesin e të vrarëve, tha Gustavo Rómulo Salas Chávez, prokurori i përgjithshëm i Sonora-s në një konferencë shtypi të shtunën.
Personi i dyshuar për ndezjen e zjarrit, për të cilin autoritetet thanë se ishte i dehur, hodhi një objekt me zjarr në dyert e lokalit pasi stafi i sigurisë e largoi atë nga ndërtesa.
Sipas dëshmitarëve, ai u dëbua nga lokali pasi tregonte mos respekt për gratë në lokal.
Prokuroria e cilësoi objektin e hedhur në lokal si “një lloj kokteji ‘Molotov’ që shkaktoi incidentin”, ndërkohë hetimet vazhdojnë.
Top Channel
