Sulmet nga Rusia, Zelensky: Po punojmë në zhvillimin e sistemeve të reja të mbrojtjes ajrore 22/11 20:17
Rusia ende nuk ka treguar nëse do të prishë marrëveshjen e grurit të Detit të Zi megjithëse sot është dita e saj e fundit.
Moska ka kërcënuar që në qershor se nuk do të rinovojë marrëveshjen, e cila lejon eksportin e sigurt të grurit ukrainas, thelbësor për ushqimin në disa nga rajonet më të varfra të botës. Dhe prej nga mbrëmë, marrëveshja nuk u zgjat, por dy burime të OKB-së i thanë agjencisë ruse të lajmeve TASS se “gjithçka është e mundur”.
“Ne presim qëndrimin e Moskës,” citoi TASS të ketë thënë një nga burimet.
Ankesat e Rusisë përqendrohen rreth kërkesave që të hiqen pengesat për eksportet e saj të drithërave dhe plehrave. Ukraina është ndër eksportuesit kryesorë të drithërave në botë, me afro 33 milionë tonë metrikë misër, grurë dhe drithëra të tjera të eksportuara sipas marrëveshjes.
Marrëveshja ka ulur çmimet e ushqimeve me më shumë se 20% globalisht, sipas OKB-së. Programi i tij Botëror i Ushqimit ka dërguar 725,000 tonë metrikë grurë ukrainas në Afganistan, Sudan, Xhibuti, Etiopi, Kenia, Somali dhe Jemen në vitin 2023.
Anija e fundit u largua nga Ukraina sipas marrëveshjes ditën e djeshme.
Top Channel
