Dy persona janë arrestuar në Tiranë pasi u kapën me një send të dyshuar silenciator dhe tre fishekë në automjet.
Në pranga është vënë shtetasi me iniciale P.T 31-vjeç nga Pezë Helmës i cili ishte drejtuesi i automjetit dhe shtetasin D. H 45 vjeç nga Librazhdi i cili ishte pasagjer. Kur policia i ka ndaluar për të kontrolluar automjetin, ata kanë hedhur një silenciator dhe tre fishekë.
Në Krujë një i mitur është vënë në pranga pasi u kap duke drejtuar automjetin pa leje drejtimi dhe gjatë kontrollit fizik, atij iu gjetën dhe sekuestruan në cilësinë e provës materiale një dorezë hekuri (përforcues grushti).
Gjithashtu janë arrestuar dy të rinj, një 18-vjeçar dhe një 26 vjeçar. 18-vjeçari me iniciale G.K u kap duke drejtuar motomjetin pa leje drejtimi, ndërsa 26-vjeçari me iniciale E.S është kapur duke drejtuar automjetin pa leje drejtimi.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
Top Channel
