Ambasadori Zingraf: Shqipëria ka në dorë që përmes procesit të Berlinit të bëjë shumë për integrimin e rajonit në BE

Pyetja: Heqja dorë nga kryeministri Rama nga projekti për Ballkanin e Hapur, a do t’i japë më tepër progres procesit të Berlinit?

Zingraf: Është kënaqësi të konstatoj se qeveria shqiptare është duke u përqendruar dhe angazhuar për përgatitjen e takimit të ministrave dhe procesit të Berlinit që do të mbahet këtë vit. Por pronësia e këtij procesi që synon ta marrë përsipër për këtë vit Shqipëria, apo rajoni në tërësi, mendoj që është diçka vërtet e rëndësishme dhe është shprehje e iniciativës që ka marrë kryeministri për t’u takuar me homologët e vet në rajon. Të gjitha përqendrimet e përpjekjeve këtë vit janë të duhurat.

Pyetja: A do të bëjë procesi i Berlinit për Ballkanin të njëjtën gjë që bëri BE për sheshimin e konflikteve në Europë?

Zingraf: Procesi i Berlinit asokohe u iniciua nga ish kancelarja Merkel, pikërisht për të qëndruar në anë të Shqipërisë dhe gjithë rajonit për të përshpejtuar, ndihmuar dhe mbështetur rrugën e Shqipërisë dhe rajonit drejt BE. Kuptohet që ky nuk është proces i institucionalizuar apo i zyrtarizuar në këtë këndvështrim, pasi proceset e vërteta të institucionalizuara dhe zyrtarizuara  gjenden dhe zhvillohen në Bruksel, në kuadër të zgjerimit të BE, por sigurisht Shqipëria ka në dorë që në kuadër të procesit të Berlinit të bëjë shumëçka për të ndihmuar procesin e integrimit të vet dhe vendeve të rajonit në BE.

Pyetja: Në kushtet kur Ballkani nuk gjen qetësi dhe konfliktet mes vendeve ndizen herë pas here, si Kosova dhe Serbia, sa ndikojnë këto konflikte në ecurinë e procesit të Berlinit? Roli i Gjermanisë në zbutjen e tyre?

Zingraf: Gjermania është e angazhuar në të gjashta shtetet e Ballkanit, në funksion të gjetjes së pajtimit dhe proceseve që i sjellin më afër vendet e Ballkanit. Unë jam këtu në Shqipëri, me detyrën si ambasador në Shqipëri për të folur për të, megjithatë sa i takon rajonit do të doja që të gjashta vendet nuk do të duhet t’I lejonin vetes hapa pas sepse hapat pas, duke konsideruar dhe situatën në botë, do të ishin vërtet hapa negativë. Por mund të them se forumi i procesit të Berlinit ka arritur shumëçka në këtë drejtim, prej 2014 ka bërë që qeveritë të ulen në një tavolinë në mënyrë të rregullt dhe periodike dhe madje kjo është përsëritur prej zotit Rama në shumë raste dhe situata. Ndaj unë do të thoja që shfrytëzojeni këtë mundësi që ju jep procesi i Berlinit për të qenë sa më afër njëri tjetrit.

Zingraf: Vite më parë ndodhi masakra me 107 civilë, mes tyre gra dhe fëmijë. Në këtë vend në këtë orë unë si gjerman ndjej turp të madh. Por unë përfaqësoj një Gjermani ndryshe. Jam i lumtur që gjermanët dhe ju kujtojmë këtë ngjarje. Përkujtimi është gjëja e nevojshme. Viktimat kanë të drejtën e kujtesës. Dhe të kujtuarit e ngjarjeve është i domosdoshëm. Paqja nuk është diçka e vetëkuptueshme. Përmes sulmit rus kundër Britanisë lufta mbërriti përsëri në Evropë. Pamjet e frikshme nga Ukraina tregojnë që viktima janë civilët dhe strukturat civile vihen qëllimisht nën sulm. Gjermania po i vjen në mbrojtje Ukrainës në mbrojtje dhe rindërtim. Këtë kujtesë me ju  e bëjmë si partnerë me njëri tjetrin. Shqipëria është vend i NATO-s, negociatat janë çelur, ne jemi partnere. Gjermania e mbështet Shqipërinë si në nivelin politik ashtu edhe ekonomik. Ne duam të zhvillojmë një Evropë demokratike. Vështrimin e hedhim përpara drejt së ardhmes por duhet para edhe pas. Të synosh pajtimin e konflikteve është Përkujtimi i së shkuarës si po bëjmë ne sot dhe ndërtimi i institucioneve që shkojnë krah për krah. Përmes kujtesës dhe institucioneve të përbashkëta ngrejmë një të ardhme në paqe. Por sot kujtojmë ata që u vranë para 80 vitesh dhe dhimbjen që të afërmit e tyre përjetuan.

Top Channel