Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Mediat britanike raportonin sot për një rast të vrazhdë kur një pacient spitali me dializë ka vdekur nga ataku kardiak, teksa bënte seks me një infermiere në parkingun e makinave të institucionit mjekësor.
42 vjeçarja Penelope Williams, ishte gjetur me pacientin afatgjatë, të sëmurë kronik në spital, i cili ishte gjetur me “pantallona të ulura” sipas rrjetit britanik ‘TheTelegraph’.
Fillimisht gruaja i tha policisë së Uellsit se sapo ishte takuar me personin, pasi i kishte telefonuar se nuk ndjehej mirë.
Në takimet me eprorët e saj Williams — e cila është në një marrëdhënie me një burrë tjetër — “mohonte lidhjen seksuale” duke thënë se i ndjeri vetëm “ishte ulur në makinën e saj për rreth 30 minuta për të folur”.
“Ajo shpjegonte më tej se pacienti kishte nisur të rënkonte dhe papritur kishte vdekur”, sipas dëshmisë në komisionin e stafit të spitalit.
Më vonë gruaja raportohet se pranoi se kishte një lidhje intime me pacientin që trajtonte rregullisht prej një viti. Kur pacienti/i dashuri i saj kishte rënë pa ndjenja Williams kishte njoftuar një kolege dhe jo shërbimet e emergjencës, shkruan rrjeti vendas WalesOnline.
Williams kishte qenë “e tronditur e duke qarë dhe kishte refuzuar të thërriste emergjencën edhe pas sugjerimit nga mikja e saj në telefon.
Kolegia e saj kishte ardhur në vendngjarje dhe tentativat për të shpëtuar burrin nga dështimi kardiak kishin dështuar.
Zyrtarët thanë se shkaku i vdekjes së të ndjerit ishte “dështim i zemrës dhe sëmundje kronike e veshkave, të shkaktuara nga një ‘episod mjekësor’”.
Komisioni ka ndaluar punësimin e Williams si infermiere prej shkeljes së standardeve. E penalizuara mund të apelojë vendimin.
Top Channel
