Një aksident ka ndodhur në aksin rrugor “Korçë-Ersekë”, ku për pasojë ka mbetur e plagosur e moshuara së bashku me mbesën dhe nipin e saj.
Ngjarja ndodhi rreth orës 18:15, në afërsi të fshatit Kamenicë të Korçës, ku 52-vjeçarja H. K.,banuese në fshatin Starje, Kolonjë, duke drejtuar automjetin tip “Jeep”, dyshohet se ka humbur kontrollin mbi drejtimin e tij dhe automjeti ka dalë nga rruga.
Kështu janë dëmtuar lehtë gjyshja dhe dy të miturit, pasagjerë në mjet, të cilët ndodhen në spitalin e Korçës.
Sipas policisë grupi hetimor po punon për përcaktimin e shkakut të daljes nga rruga.
Top Channel
