Sulm me dronë pranë kufirit me Venezuelën, gjashtë ushtarë të vrarë, dhjetëra të plagosur në Kolumbi 20/12 07:22
Një profesor në një kolegj në Maryland është pushuar nga puna për ngacmim seksual.
Ai i kërkonte të paktën 11 studenteve të hiqnin këmishat e tyre gjatë mësimit në mënyrë që të mund të kontrollonte gjoksin e tyre.
Profesori i Kolegjit Montgomery gjithashtu dyshohet se komentoi trupat gjysmë të zhveshur të studentëve dhe e quajte një “demonstrim mjekësor”.
Menjëherë pas kësaj, studentët raportuan ngacmimin dhe shkolla e pezulloi nga puna dhe pas tre muajsh ai u pushua.
Në një përmbledhje të rastit, Zyra e Departamentit të Arsimit për të Drejtat Civile (OCR) citoi prova se profesori, emri i të cilit mbetet anonim, i kërkoi të paktën 11 studente që të hiqnin këmisha dhe të mbanin vetëm sytjena sportive.
Në një letër drejtuar Presidentit të Kolegjit Montgomery, Dr. Jermaine F. Williams, OCR tha gjithashtu: Pasi hoqën këmishat studentet veshin xhaketat e tyre laboratorike, por Profesori kërkoi që ata të hiqnin xhaketat e tyre.
OCR nuk e bëri të qartë se çfarë ‘demonstrimi mjekësor’ po bënte profesori, por deklaroi se ‘nuk ishte e nevojshme heqja e veshjeve, apo komentet për trupin.
Top Channel
