Një 19 vjeçar në Vorë është arrestuar pasi theu masën e sigurisë “Arrest në shtëpi”, dhe qëlloi me armë zjarri kallashnikov në ajër.
Shërbimet e Komisariatit Nr. 7 pas informacionit të marrë se në afërsi të liqenit të fshatit Muçaj, një shtetas kishte qëlluar me armë zjarri në ajër, kanë vënë në pranga 19-vjeçarin L. M., banues i fshatit.
Gjithashtu u procedua penalisht një shtetas i mitur 15 vjeç, pasi drejtonte makinën me të cilën kanë shkuar të liqeni.
Pas verifikimeve të kryera ka rezultuar se 19-vjeçari i arrestuar, kishte shkelur masën e sigurisë “Arrest në shtëpi”.
Në cilësinë e provës materiale u sekuestrua arma e zjarrit kallashnikov e përdorur gjatë ngjarjes dhe 4 krehra.
Sipas policisë materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
Top Channel
