“Trazirat politike në botë mund të sjellin telashe për ekonominë globale në 2025”, analiza e CNN: Ja ndikimi i presidentit Trump 27/12 21:00
Autoritetet thonë se 104 njerëz janë shpëtuar por në anijen e tragjedisë mund të ketë pasur deri në 750 emigrantë në bord.
Megjithë shpresat e pakta për të mbijetuar, grupet greke të shpëtimit vijojnë kërkimet për njerëz nga peshkarexha tragjike që u fundos të mërkurën duke vrarë të paktën 78 njerëz, teksa frikat janë se viktimat mund t’i kalojnë 500.
“Kjo mund të jetë tragjedia më e rëndë detare e Greqisë vitet e fundit,” tha Stella Nanou e agjencisë së refugjatëve të OKB, për televizionin shtetëror ERT. Një tjetër zyrtare e UNHCR, Erasmia Roumana, e përshkruante tragjedinë si “të tmerrshme”.
Roumana shtonte se të mbijetuarit janë në gjendje të rëndë psikologjike dhe të tmerruar nga njerëzit e humbur që udhëtonin me ta.
104 të mbijetuarit ishin të gjithë burra të moshave nga 16 deri në 40 vjeç, thanë autoritetet. “Ata janë nga Afganistani, Pakistani, Siria e Egjipti,” tha Giorgos Farvas, drejtues i portit të Kalamata.
“Ata janë kryesisht të rinj, por të shokuar e të ezauruar”, shtoi duke thënë se një pjesë janë shtruar në spital.
Raportimet sugjerojnë se rreth 750 njerëz ishin ngjeshur në barkën tragjike të peshkimit që u fundos rreth 50 milje larg qytetit bregdetar të Pylos teksa po ndiqeshin nga roja bregdetare greke.
“Barka ishte 25-30 metra e gjatë me kuvertën e mbushur me njerëz, ndërsa supozojnë se e mbushur me njerëz ka qenë edhe në brendësi”.
Zëdhënësi qeveritar Ilias Siakantaris, tha se trafikantët shpesh “mbyllim njerëzit në kabina për të siguruar kontrollin”.
Qeveria e përkohshme e Greqisë tha se ka shpallur tre ditë zie kombëtare ndërsa është pezulluar fushata e kontestuar elektorale e 25 qershorit.
Top Channel
