Atentati i dytë ndaj Trump, zbardhen detajet e reja për autorin, priti 12 orë pranë klubit të golfit të ish-presidentit 16/09 21:55
Ministria e Jashtme e Rusisë ka thirrur një diplomat kanadez në Moskë në shenjë proteste për konfiskimin e një avioni Antonov në Toronto, duke paralajmëruar se marrëdhëniet ruso-kanadeze janë në “prag të ndërprerjes”.
Kanadaja urdhëroi të shtunën sekuestrimin e një avioni ngarkesash të regjistruar rus Antonov-124 në aeroportin e Torontos. Sekuestrimi i parë i aseteve ruse synon të ushtrojë presion mbi Moskën për pushtimin në Ukrainë.
Kanadaja njoftoi sekuestrimin e avionit ndërsa kryeministri Justin Trudeau ndodhej në një vizitë në Kiev, ku njoftoi 500 milionë dollarë ndihmë të re ushtarake për Ukrainën.
Sipas një deklarate të ministrisë së Jashtme, Rusia i tha nënkryetarit të ambasadës së Kanadasë në Moskë, Brian Ebel, se e shihte sekuestrimin e avionit si “vjedhje cinike”.
“Politika rusofobike e Kanadasë do të sjellë pasojat më serioze për marrëdhëniet ruso-kanadeze, të cilat janë në prag të ndërprerjes për fajin e administratës Trudeau”, thuhet në deklaratën e ministrisë ruse.
Top Channel
