Kërkesa e opozitës për komision hetimor për portin e Durrësit, PS e rrëzon! 23/12 13:27
Ish-kreu i PD-së Lulzim Basha ka deklaruar se debatet e ashpra në mbledhjen e Kryesisë së PD janë “shenjë e qartë e një reflektimi të thellë që ka nisur brenda familjes tonë politike”.
Përmes një mesazhi në Twitter, Basha shkruan se nuk ka gjë më demokratike se mendimet e ndryshme në një forum politik, megjithëse ironikisht mbështetësit e tij kërcënuan dhe ofenduan deputetët demokratë që nuk morën pjesë në hapjen e garës për kryetarin.
“Fryma e debatit konstruktiv me të cilën Kryesia e PD debatoi për më shumë se 8 orë për gjetjen e rrugës më të mirë në funksion të riorganizimit të PD, është shenjë e qartë e një reflektimi të thellë që ka nisur brenda familjes tonë politike.
Nuk ka gjë më demokratike se mendimet e ndryshme në një forum politik. Debatet dhe mendimi ndryshe duhen respektuar nga të gjjthë. Vlerat demokratike që na drejtojnë në këtë rrugëtim të vështirë për ne demokratët nuk mund të cënohen nga asnjë individ. Refuzoj dhe dënoj me forcë çdo përpjekje për tensionim që ushqen kulturën e vjetër politike të baltës dhe shantazhit me të cilën jemi ndarë njëherë e mirë dhe që duhet lënë pas”– tha Basha.
Top Channel
