Agresioni rus, Erdogan takohet me shefin e NATO-s, diskutojnë fundin e luftës në Ukrainë 25/11 20:42
Teksa ukrainasit stërviten me tanke amerikane dhe Presidenti Zelensky i thotë Wall Street Journal se kundërofensiva është gati, një fund paqësor i konfliktit duket shumë larg agjendës.
Megjithatë, sot Indonezia njoftoi një plan për t’i dhënë fund luftës duke propozuar një armëpushim dhe referendum të OKB-së në territoret e pushtuara.
Sugjerimi i ministrit të mbrojtjes Prabowo Subianto, i bërë në forumin vjetor të mbrojtjes të Azisë, “Dialogu Shangri-La”, u hodh poshtë menjëherë nga Ukraina dhe të tjerët.
Zëdhënësi i Ministrisë së Jashtme të Ukrainës, Oleg Nikolenko përsëriti se territori është ukrainas dhe nuk do t’i nënshtrohet agresionit rus. Sipas Nikolenko, një armëpushim do t’i japë Rusisë kohë për t’u rigrupuar.
Plani i zotit Subianto përfshinte një zonë të çmilitarizuar prej 20 miljesh në vijën e frontit, e ndjekur nga një votim i monitoruar nga OKB.
Gjatë fjalë së mbajtur në të njëjtin panel, Josep Borrell Fontelles, nënkryetar i Komisionit Evropian të BE-së, tha: “Ne nuk mund të ndalojmë së mbështeturi ushtarakisht Ukrainën sepse nuk duam paqen që është … paqja e dorëzimit”.
Top Channel
Agresioni rus, Erdogan takohet me shefin e NATO-s, diskutojnë fundin e luftës në Ukrainë 
