Anglia fushatë sensibilizuese në Shqipëri: Kush vjen me gomone dëbohet!
28/05/2023 09:43
Buxheti 2025, Kuvendi shpërndan para shtesë për institucionet e drejtësisë 25/11 20:53
Britania e Madhe do të nisë një fushatë sensibilizuese në vendin tonë, ku në fokus do të jenë emigrantët e paligjshëm që shkojnë atje.
Me anë të një reklame, synohet të ndërgjegjësohen kontrabandistët dhe njerëzit që shkojnë në mënyrë ilegale në Britani.
Në njërën prej reklamave, duket një polic që po kthen mbrapsht një të ri shqiptar, ndërsa në tjetrën shkruhet se “Ju do të përballeni me ndalimin dhe largimin”.
Një tjetër tregon një gomone të mbushur me njerëz ilegalë, me titull: “Ne po ndalojmë udhëtimet e paligjshme në MB”.
Kjo fushatë vjen teksa ministri i imigracionit në Britani Robert Jenrick, niset për një turne nëpër pikat e nxehta të migracionit.
Ai do të vizitojë Algjerinë , Tunizinë , Italinë dhe Francën për bisedime se si të trajtohet imigracioni i paligjshëm.
“Krimi i organizuar i imigracionit është një sfidë globale që kërkon zgjidhje ndërkombëtare gjatë gjithë rrugës së migracionit. Kjo përfshin punën në mënyrë proaktive në burim përpara se njerëzit të nisen në udhëtime të rrezikshme dhe të panevojshme. Ne jemi të vendosur të ndalojmë anijet. Dhe fushata e nisur në Shqipëri këtë javë është vetëm një komponent i punës së Home Office në rrjedhën e sipërme.”- tha Jenrick.
Jenrick shtoi se reklama do të ndihmojë në rrëzimin e miteve rreth udhëtimeve të paligjshme në MB, do të shpjegojë realitetet dhe do të luftojë gënjeshtrat e hedhura nga kontrabandistët që përfitojnë nga kjo tregti e paligjshme.
Top Channel
