Prokurorët sfidojnë Trump-in! Kundërshtojnë anulimin e dënimit të presidentit për “paratë e heshtjes” 19/11 22:49
Presidenti i Afrikës së Jugut ka caktuar një panel për të hetuar pretendimet e SHBA-së se një anije ruse mblodhi armë nga një bazë detare pranë Cape Town vitin e kaluar.
Pretendimet ndezën një mosmarrëveshje diplomatike midis dy vendeve në fillim të këtij muaji, me ambasadorin e SHBA në Afrikën e Jugut, Reuben Brigety, duke thënë se ai ishte i bindur se anija merrte armë në bord dhe qeveria e vendit e mohoi plotësisht atë.
Qeveria e Afrikës së Jugut ka deklaruar shumë herë se ka një qëndrim neutral për luftën në Ukrainë, por pretendimet e hapën vendin ndaj akuzave se ajo ka marrë në mënyrë efektive anën e Moskës.
“Presidenti vendosi të fillojë hetimin për shkak të seriozitetit të akuzave, shkallës së interesit publik dhe ndikimit të kësaj çështjeje në marrëdhëniet ndërkombëtare të Afrikës së Jugut”, tha presidenca në një deklaratë sipas Sky News.
Paneli do të punojë për të përcaktuar se kush ishte në dijeni të mbërritjes së anijes së mallrave, përmbajtjen që u ngarkua dhe u zbarkua dhe “nëse ishin respektuar detyrimet kushtetuese, ligjore apo të tjera në lidhje me mbërritjen e anijes së ngarkesave”.
Presidenti pritet të marrë një raport përfundimtar brenda dy javësh nga përfundimi i hetimeve.
Top Channel
