E rëndë në Norvegji! Një autobus përfshihet në një aksident të frikshëm, tre persona humbin jetën 26/12 16:43
Pesëdhjetë emigrantë të ngjeshur në një gomone në ngushticën Pas De Calais raportohet se refuzuan ndihmën e një anijeje franceze dje duke thënë se donin të ndihmoheshin vetëm nga britanikët, shkruan e përditshmja The Sun.
Forcat kufitare i kishin dërguar ata në portin britanik të Dover, edhe pse deputeti vendor tha se ato duhet të ndalojnë se vepruari si “shërbimi taksi i ngushticës”.
Lajmi vjen teksa numri i emigrantëve në Britani ka arritur sivjet në 600 000 teksa edhe kryeministri Rishi Sunak pranoi se shifra ishte shumë e lartë.
Gomonia e mbushur ishte parë fillimisht në brigjet franceze të Boulogne.
Anija ushtarake franceze Formentin kishte gjurmuar barkën në mesin e ngushticës për gati dy orë në detin e ashpër, por emigrantët kishin refuzuar ndihmën e tyre.
Dhe më pas Formentin kishte kontaktuar me rojën kufitare angleze duke i thënë se “pasagjerët” dëshironin vetëm “asistencë nga Britania”.
Kapiteni francez tregonte në anglisht: “I pyetëm emigrantët nëse donin ndihmën tonë. Ata thanë se dëshironin vetëm asistencë nga Britania, por kishte shumë rrëmujë në gomone”.
Çuditërisht megjithëse ishte ende në ujëra franceze, anija e rojës bregdetare angleze Ranger doli nga Dover dhe shkoi të merrte emigrantët pasagjerë.
Një oficer britanik tha: “E kuptoj që ata dëshirojnë ndihmën angleze, sepse për këtu ishin nisur”.
Kështu që në një operacion dy-orësh Ranger u nis nga brigjet e Kent dhe solli emigrantët në Britani
Dje deputeti konservator Adam Holloway komentonte çshtjen, për The Sun: “Nuk çuditem që emigrant e dinin si të udhëzonin francezët. Ata e dinë e nëse i marrin britanikët çështjet e tyre do të duan disa vite për t’u shqyrtuar dhe do të jetojnë këtu”.
“Nëse nuk e ndalojmë këtë iniciativë do të vazhdojë përgjithmonë . Ne paguajmë para te francezët për të ndaluar emigracionin por ata nuk e bëjnë punën e tyre”.
Top Channel
Top Channel/ Protestë kundër TEC/ Roskovec, banorët ankohen se përdorimi i gazit do të rrisë ndotjen
Top Channel/Lushnja merr më shumë para/ Rritet me 4 milionë euro buxheti. PD: Po bëhet për zgjedhjet
