Bullgaria dhe Rumania, një hap më afër zonës Schengen 22/11 21:29
Trupat britanike janë gati të mbrojnë Estoninë nga çdo pushtim i mundshëm rus.
Kryeministrja e Estonisë, Kaja Kallas tha për Daily Telegraph se trupat britanike, së bashku me aleatët e NATO-s, kanë mësuar të mbrojnë pyjet e vendit.
Ajo tha se mund të ndihmojë për të penguar çdo pushtim të mundshëm rus, pasi Vladimir Putin duhet të mësohet me faktin që nuk mund të fitojë.
“Për mua, është e rëndësishme që ne të jemi në gjendje të mbrojmë vendin tonë që në minutën e parë. Prandaj, planet e NATO-s duhet të funksionojnë në praktikë. Unë shoh se kjo mund të funksionojë. Nëse edhe kundërshtari ynë e di këtë, ai ul vullnetin për të na sulmuar sepse nuk mund të fitojë këtu”, tha ajo .
Rreth 1,500 trupa britanike po stërviten aktualisht në Estoni si pjesë e stërvitjes më të madhe stërvitore të NATO-s të mbajtur ndonjëherë në vend.
I gjithë kufiri lindor i Estonisë është me Rusinë – me qytetin kufitar Narva vetëm 100 milje nga qyteti i dytë rus i Shën Petersburgut.
Top Channel
