Gjendet i pajetë një 13-vjeçar në Dibër, u mbyt në liqenin e fshatit

Pas dy orë kërkimesh së bashku me banorët e zonës, policia bëri të mundur gjetjen dhe nxjerrjen e trupit të pajetë të 13-vjeçarit E. S nga liqeni i fshatit Shumbat.

Në trupin e 13-vjeçarit nuk janë konstatuar shenja dhune apo dëmtime të tjera.   Nga veprimet e para hetimore dyshohet se ky shtetas është mbytur aksidentalisht.

Grupi hetimor, në drejtimin e Prokurorisë, vijon punën hetimore për zbardhjen e plotë të rrethanave të kësaj ngjarjeje.

Top Channel