Gjendet e pajetë 36-vjeçarja në Shkodër, shkaku dyshohet mbidozë ilaçesh
24/05/2023 21:27
Aksident në Korçë, makina përplas personin me monopatinë
26/12 19:48
Foto Ilustruese
Është gjetur e pajetë nga nëna e saj pa shenja jete një 36-vjeçare në hostelin ku banonte me qira në Shkodër.
36-vjeçarja që banonte në Texas të SHBA, paraprakisht dyshohet se ka humbur jetën për shkak të një mbidoze ilaçesh, ndërsa rrethanat mbeten ende të paqarta.
“Rreth orës 18:00, salla operative e Drejtorisë Vendore të Policisë Shkodër ka marrë njoftim se në lagjen “Tre Heronjtë”, në hostelin ku banonte me qira, është gjetur nga nëna e saj, pa shenja jete, shtetasja A. N., 36 vjeçe, banuese në Texas, SHBA.
Në vendngjarje kanë shkuar menjëherë shërbimet e Policisë dhe grupi hetimor dhe nga këqyrja paraprake e trupit të 36-vjeçares, nuk janë konstatuar shenja dhune.
Nga veprimet e para hetimore dyshohet se shtetasja A. N. ka humbur jetën, për shkak të një mbidoze ilaçesh.
Grupi hetimor vijon punën për sqarimin e plotë të rrethanave të kësaj ngjarjeje.”- njofton policia.
Top Channel
