Një 26-vjeçar është vënë në pranga, pasi vidhte në mënyrë të përsëritur korniza bronzi në varrezat e qytetit të Korçës, me qëllim shitjen e tyre.
Pas hetimeve të kryera rezultoi se autori me iniciale E. Ç. i kishte grabitur gjatë dy ditëve të fundit.
Policia ka sekuestruar kornizat e bronzit, ndërsa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Njoftimi i plotë:
Korçë/ Vodhi në mënyrë të përsëritur korniza bronzi të varrezave të qytetit të Korçës, me qëllim shitjen e tyre, vihet në pranga 26-vjeçari.
Sekuestrohen kornizat e vjedhura.
Specialistët për Hetimin e Krimeve të Komisariatit të Policisë Korçë, në vijim të punës për zbardhjen dhe dokumentimin e vjedhjeve të disa kornizave prej bronzi, të ndodhura dy ditët e fundit, në lagjen nr. 14, në varrezat e qytetit të Korçës, organizuan punën me qëllim identifikimin dhe kapjen e autorit. Si rezultat u kap dhe arrestua në flagrancë shtetasi E. Ç., 26 vjeç, banues në Korçë.
Nga veprimet hetimore dyshohet se ky shtetas ka vjedhur në mënyrë të përsëritur, në varrezat e qytetit të Korçës, korniza bronzi (për mbajtjen e fotografive), të cilat më pas i kishte shitur në një pikë skrapi. Në cilësinë e provës materiale u sekuestruan kornizat e vjedhura.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Top Channel
