![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Elon Musk thotë se ka gjetur një shef të ri ekzekutiv për të udhëhequr Twitter.
Ai njoftoi planet në platformën e mediave sociale, të cilën e bleu vitin e kaluar për 44 miliardë dollarë.
Musk nuk e përmendi shefin e ri të faqes, por tha se “ajo” do të fillonte pas gjashtë javësh ndërsa ai do të cilësohet kryetar ekzekutiv dhe shefi i teknologjisë.
Musk ka qenë nën presion për të emëruar dikë tjetër për të udhëhequr kompaninë dhe për t’u fokusuar në bizneset e tij të tjera.
Miliarderi, i cili gjithashtu udhëheq prodhuesin e makinave elektrike Tesla dhe kompaninë e raketave SpaceX, kishte thënë më parë se kishte ndërmend të vendoste dikë tjetër në krye të Twitter.
Vitin e kaluar, pas një sondazhi që pyeti përdoruesit e platformës nëse ai duhet të largohej, ai bëri shaka: “Askush nuk e dëshiron punën që mund ta mbajë Twitter gjallë.”
Ai i tha BBC-së muajin e kaluar se qeni i tij drejtonte kompaninë, të cilën e bleu vetëm pasi një proces gjyqësor e detyroi atë të shkonte me marrëveshjen.
Ai ka thënë se ka paguar më tepër për sitin, i cili ka luftuar për të qenë fitimprurës.
Me marrjen e përgjegjësisë, Musk pushoi menjëherë mijëra punonjës. Ndryshimet e tij në politikën e përmbajtjes kanë qenë gjithashtu të diskutueshme, përfshirë midis reklamuesve që ishin gjeneruesit kryesorë të të ardhurave të faqes.
Aksionet në Tesla u hodhën pas lajmeve më të fundit.
Top Channel