Sulm me dronë pranë kufirit me Venezuelën, gjashtë ushtarë të vrarë, dhjetëra të plagosur në Kolumbi 20/12 07:22
Presidenti rus Vladimir Putin, në një fjalim gjatë paradës vjetore të Ditës së Fitores në Moskë, pohoi se një “luftë e vërtetë” po zhvillohet kundër Rusisë.
Megjithëse operacioni ushtarak për pushtimin e plotë të Ukrainës – të nisur në shkurtin e 2022 – përbën luftën më të madhe tokësore në Evropë, dhe ka shkaktuar një krizë masive humanitare, duke lënë mijëra civilë të vdekur dhe miliona të zhvendosur, Putini pretendon se: “Një luftë e vërtetë është nisur kundër atdheut tonë (Rusisë).”
Gjatë fjalës së mbajtur në paradën vjetore që shënon fitoren e BRSS mbi Gjermaninë naziste në Luftën e Dytë Botërore, Putini u ndal edhe tek rajoni lindor i Ukrainës që është pushtuar kryesisht nga forcat ruse, kur tha se: “Ne kemi zmbrapsur terrorizmin ndërkombëtar dhe për t’u përshtatur do të mbrojmë banorët e Donbasit dhe do të sigurojmë sigurinë tonë.”
“Rusia nuk ka kombe jomiqësore në perëndim apo në lindje”- pohoi Putin, duke pretenduar se dëshiron një të ardhme paqësore.
Dita e Fitores është më e rëndësishmja në kalendarin e Putinit dhe ai e ka përdorur prej kohësh atë për të mbledhur mbështetjen e publikut dhe për të demonstruar aftësitë ushtarake të vendit.
“Si shumica e njerëzve në këtë planet ne duam ta shohim të ardhmen paqësore, të lirë dhe të qëndrueshme”, tha ai. “Ne besojmë se çdo ideologji e epërsisë për shkak të natyrës së saj është e neveritshme, kriminale dhe vdekjeprurëse.”
Top Channel
