Mot i pazakontë në Australi/ Dëbora godet vendin, ja se si duket 

Australia Juglindore përjetoi një front të ftohtë që solli reshje të dendura dëbore dhe valë të mëdha surfimi gjatë fundjavës.

Dëbora ra në Oberon, rreth 120 km (75 milje) në perëndim të Sidneit, të hënën, pasi byroja e motit paralajmëroi fermerët në juglindje dhe në zonat alpine se kafshët e tyre të ekspozuara ndaj kushteve të lagështa të ftohtë mund të ngordhnin.

“Nuk e prisja që të ishte kaq e trashë,” tha për dëborën, banorja e Oberon, Wendy Stanton.

“Ka filluar disi herët pasdite dje dhe thjesht vazhdoi dhe në kohën kur u ngrita, gjithçka ishte e mbuluar me borë”.

Watch kangaroos hop through snow as cold front hits southeastern Australia. pic.twitter.com/bwXQvrHK3l

— CNN (@CNN) May 9, 2023

Vendpushimi i skive Perisher mori 10 cm borë gjatë 24 orëve të fundit, pak më shumë se një muaj para fillimit të sezonit të skive.

Temperaturat përgjatë bregut lindor sfiduan vjeshtën dhe ranë nën zero të hënën në mëngjes, tha për Nine News të hënën Dean Narramore, meteorolog i lartë në Byronë e Meteorologjisë.

Fluturimet u vonuan në Sydney pasi aeroporti mbylli dy pista nga e diela vonë deri pak para mesditës të së hënës për shkak të erërave të forta, tha një zëdhënës i Aeroportit të Sidneit.

Fronti i ftohtë në të gjithë juglindjen filloi gjatë fundjavës me temperaturat që ranë shumë nën mesataren e muajit, sipas byrosë së motit, e cila parashikoi se ngricat e mëngjesit do të zgjasin deri të mërkurën herët.

Kryeqyteti, Canberra, u pluhuros me borë të dielën, megjithëse shpejt u kthye në baltë pasi temperaturat u rritën gjatë ditës, sipas videove të shpërndara në mediat sociale.

Top Channel