I mbijetoi dy sulmeve, vritet me armë zjarri gangsteri i Ekuadorit 

Një trup i gjetur në një zonë pyjore në provincën Antioquia është identifikuar si ai i Júnior Roldán.

Ai iku në Kolumbi pasi u plagos në një tentativë për t’u vrarë në vendlindjen e tij Ekuador. Roldán ishte liruar nga burgu në shkurt.

Trupi, i cili kishte një plagë me armë zjarri në kokë u gjet të shtunën. Kryebashkiaku i Fredonia, qyteti kolumbian ku u gjet trupi i tij, tha se ai me siguri ishte vrarë diku tjetër dhe trupi i tij ishte hedhur, pasi asnjë nga vendasit nuk kujtohej ta kishte parë më parë.

Ministri i Brendshëm i Ekuadorit tha se ekspertët mjeko-ligjorë kishin mundur të identifikonin trupin falë tatuazheve të Roldán-it dhe shenjave të tjera identifikuese.

Roldán u konsiderua i arratisur pasi hoqi dorë nga byzylykun e këmbës që i ishte vendosur kur u lirua nga burgu. Kreu i bandës kaloi në Kolumbi pasi u qëllua dhe u plagos në mars nga anëtarët e bandës rivale Los Lobos (The Wolves).

Ai i mbijetoi gjithashtu një sulmi tjetër në të cilin dronët e ngarkuar me eksploziv u vendosën mbi krahun e burgut në të cilin ai ishte i mbyllur në atë kohë.

Policia tha se vdekja e tij ishte një goditje për bandën e tij, Los Choneros. E quajtur sipas bazës së tyre të pushtetit në qytetin Chone, banda kryesisht angazhohet në trafikun e drogës dhe zhvatjes.

Pasi shumë prej anëtarëve të saj u burgosën, ajo u bë një nga bandat më të fuqishme të burgjeve të Ekuadorit, duke kontrolluar shumë aspekte të jetës brenda burgjeve të vendit dhe gjithashtu duke drejtuar operacionet kriminale nga prapa hekurave. Los Choneros mendohet të ketë qenë pas disa prej përleshjeve më të tmerrshme të burgjeve në muajt e fundit, në të cilat dhjetëra të burgosur u vranë dhe nganjëherë iu prenë kokat.

Vitet e fundit, ajo ka krijuar lidhje me kartelin Sinaloa të Meksikës, një aleancë që e ka rritur më tej fuqinë e saj.