Kohë tejet vendimtare! Arsyet pse Ukrainës po i shtohet trysnia në fushëbetejë e përtej 11/10 08:18
Të korrat janë goditur rëndë nga thatësira e madhe që ka goditur Spanjën verilindore.
Reshjet kanë qenë të pakta prej vitesh, ndërsa banorët e quajnë shkretëtirë.
Mungesa e ujit ka filluar të ndihet si një krizë ekzistenciale për fermerët dhe janë të shqetësuar për të ardhmen e tyre. Është duke u bërë gjithnjë e më e vështirë për të përballuar jetesën pasi të korrat tkurren nga mungesa e ujit – ose nuk mund të mbillen fare.
Thatësirat janë një fakt i jetës në këtë cep të Spanjës. “Ato janë tipike për klimën mesdhetare të Katalonjës”, tha Albert Ruhi, një ekolog i ujërave të ëmbla në Universitetin e Kalifornisë.
“Kjo është periudha më e keqe që kemi pasur në 100 vitet e fundit”, tha për CNN Samuel Reyes, drejtor i Agjencisë Katalanase të Ujit.
Spanja ka qenë në një thatësirë afatgjatë që nga fundi i vitit 2022. Në mars, vendi mori vetëm 36% të reshjeve mesatare mujore, duke e bërë atë marsin e dytë më të thatë të këtij shekulli. Trendi vazhdoi në prill, i cili mund të përfundojë të jetë më i thati i regjistruar.
Kushtet e thatësirës janë përkeqësuar nga temperaturat e larta që të kujtojnë më shumë mesin e korrikut sesa pranverën.
Të enjten e kaluar, rekordet e prillit u thyen , me qytetin e Kordobës në Spanjën jugore që arriti 38.8 gradë Celsius.
Kombinimi i thatësirës dhe nxehtësisë kanë ngjallur frikën për një përsëritje të verës së kaluar, ku vendi pa valë të nxehta dhe zjarre që dogjën 306,000 hektarë. Zjarret e pazakonta të hershme këtë pranverë kanë djegur tashmë më shumë se 10,000 hektarë në rajonin lindor të Castellon.
Këto kushte tregojnë për një realitet të ri për pjesë të Evropës, e cila po ngrohet dy herë më shpejt se mesatarja globale. Ndërsa do të duhet kohë për të përcaktuar rolin e saktë që po luan ndryshimi i klimës, shkencëtarët janë të qartë se ngrohja globale e shkaktuar nga njeriu po i bën thatësirat dhe valët e të nxehtit më të zakonshme dhe më ekstreme.
Top Channel
