Donald Trump thotë se do të përdorë ushtrinë për ‘deportime masive’ të emigrantëve të jashtëligjshëm nga SHBA (fotot)
19/11 14:56
Një nënë është arrestuar në bazë të Ligjit për Shëndetin Mendor, pasi u shpall e pafajshme për vrasjen dhe neglizhencën e djalit të saj tre-vjeçar për shkak se vuante nga demenca.
Olabisi Abubakar, 42 vjeç, nga Cardiff, Uells, u ndalua për një kohë të pacaktuar sipas Aktit të Shëndetit Mendor të vitit 1983, pasi u konsiderua si një rrezik për publikun. Abubakar la djalin e saj Taiwo të agjëronte për vdekje gjatë kufizimeve të COVID-19, duke besuar se kjo do ta shpëtonte kombin nga virusi.
Ajo u gjet e dobët dhe e dehidratuar rëndë në qershor 2020 pranë trupit të djalit të saj në banesën e tyre në zonën Cathays të qytetit. Policia u detyrua të shpartallonte hyrjen për t’u futur në pronë më 29 qershor. Në atë kohë ata kishin agjëruar për rreth 3 deri në 4 muaj, tha gjykata.
Taiwo që kishte vdekur prej disa kohësh, peshonte 22 paund dhe sipas mjekëve ligjor rezultoi të kishte humbur jetën nga kequshqyerja dhe dehidratimi. Abubakar, i cili erdhi në Mbretërinë e Bashkuar si azilkërkues nga Nigeria në vitin 2011, vuante nga iluzionet paranojake.
Si një e krishterë e devotshme pentekostale ajo kishte agjëruar për shumë vite. Ajo e kishte vendosur veten dhe djalin e saj në agjërim të zgjatur me shpresën se Zoti do t’i jepte mbrojtje vendit nga virusi.
Gjyqtarja, zonja Justice Jefford, e përshkroi rastin si “jashtëzakonisht të trisht”. Ajo tha se frika nga pandemia, një mosmarrëveshje e vazhdueshme me një fqinj, shqetësimet financiare dhe shqetësimet për statusin e saj të imigracionit kishin kontribuar në gjendjen psikologjike të Abubakar. Gjykata dha vendimin për Abubakar, teksa kjo e fundit dëgjonte përmes një lidhjeje video nga një spital psikiatrik.
“Juria ju gjeti të pafajshëm për të gjitha këto akuza për shkak të problemeve të shëndetit mendor. Kjo pasqyron faktin që në atë kohë kishit një sëmundje të rëndë mendore, skizofreni paranojake dhe, si rezultat, nuk dinit se çfarë po bënit.
Ajo që ndodhi me ju dhe fëmijët tuaj është jashtëzakonisht e trishtueshme dhe rezultat i asaj sëmundjeje. Ti kishe qenë një nënë e mirë dhe e kujdesshme dhe fëmijët e tu ishin të lumtur, të dashur dhe të kujdesur mirë”, shtoi gjyqtari.
Top Channel
