Pasagjeri problematik i kroçerës ndërron jetë pas qetësuesit që iu injektua nga siguria (fotot)
19/12 15:49
Duke mbajtur një trëndafil të kuq në dorë dhe me grushtin lart, mijëra mbështetës të Partisë Komuniste greke këndojnë internacionalen, në sheshin përballë parlamentit në Athinë në mitingun e tyre tradicional të festës ndërkombëtare të punëtorëve, 1 Majin.
Në mesazhin e tij me vështrimin nga zgjedhjet parlamentare të vendit 20 ditë më vonë, lideri I kësaj partie ka kërkuar votën e të gjithëve për të mirën e popullit.
“Në zgjedhjet e 21 Majit forcojmë Partinë Komuniste greke , që të jetë I fuqishëm edhe populli ynë, të jetë e fuqishme lëvizja punëtore popullore dhe të fuqizohet aleanca sociale e klasës punëtore”, u shpreh Dhimitris Koutsoumbas, Sekretar i Përgjithshëm i PKK.
Përveç përkrahësve të partisë komuniste, ku merrnin pjesë edhe të ftuar nga sindikatat e majta franceze, edhe konfederatat e nëpunësve të sektorit shtetëror edhe atij privat kanë protestuar duke ngritur zërin për të drejtat e tyre dhe kontrata më të mira pune ,në një moment kur inflacioni lartë ka sjellë rritje galopante të çmimeve .
Por ajo që ka rënë në sy këtë vit në Greqi ka qenë postimi që ka bërë kryeministri grek Mitsotakis në llogarinë e tij të hapur para pak ditësh në “TikTok”, një përshëndetje e para e këtij lloji nga një konservator, ku “ka theksuar se politikat pro-punëtorëve nuk janë të majta dhe ka paraqitur dhjetë programe që ka zbatuar qeveria e tij në këto katër vite ,mes të tjerash rritja e pagës minimale.
“E rritëm pagën minimale me 20%, nga 650 euro në 780 euro! Kisha më shumë për të të thënë, por nuk dua t’ju lodh. Gëzuar ditën e punëtorëve të gjithëve dhe një muaj të mbarë”, u shreh kryeministri i Greqisë, Kyriakos Mitsotakis.
Nga ana e saj partia më e madhe opozitare Syriza me një deklaratë për përvjetorin e 137 të protestës së Çikagos i është përgjigjur kryeministrit grek.
“1 Maji identifikohet me kërkesën për 8-orëshin dhe kushtet më të mira të punës. Qeveria e zotit Mitsotakis shfuqizoi 8-orëshin, legalizoi orët shtesë të papaguara, mbështeti punëdhënësit në veprimet e tyre të paligjshme ndaj punëtoreve. Madje pamë këto ditë edhe shantazh ndaj punëtorëve në çështjen e votës”.
Mitingje për 1 Majin nga të gjitha sindikatat janë zhvilluar edhe në Selanik si dhe në qytetet e tjera të mëdha të vendit.
Top Channel
