Manchester United siguroi finalen e FA Cup teksa kaloi me sukses përballjen ndaj Brighton në Wembley.
Në fakt, nuk ishte një sfidë e lehtë për “Djajtë e Kuq” duke qenë se 90 minutat, por edhe koha e rregullt u mbyll në barazimin 0-0.
Nga pika e bardhë, të besuarit e trajnerit Erik ten Hag u treguan më të ftohtë duke mos gabuar asnjë nga shtatë penalltitë e goditura. Tashmë në finalen e tre qershorit i presin rivalët nga i njëjti qytet, Manchester City. Megjithatë, gardiani i United, David De Gea nuk i druhet “kushurinjve” teksa shprehet skuadra e tij e ka treguar në këtë sezon se e di mnyrën për t’i mposhtur The Citizens.
“Ishte një ndeshje e vështirë përballë Brighton, përballë kishim një skuadër shumë të mirë. Ishim përgatitur edhe për penalltitë dhe u mundova t’i ushtroja pak presion gjuajtësve të Brighton. Ne nga ana tjetër ishim perfekt.
Siguruam një tjetër finale pas asaj në Kupën e Ligës, edhe pse tani duhet të përqëndrohemi pak tek ndeshja e kampionatit me Tottenham. Ka kohë për finalen dhe jam i sigurt se ndaj Cityt do të jetë një ndeshje e madhe. Ata janë një prej skuadrave më të mira në Europë, por në këtë sezon kemi treguar se dimë si t’i mposhtim.
Në këtë sezon e kemi fituar një trofe, do të mundohemi të marrim një tjetër dhe duhet të sigurojmë një vend mes katër më të mirave të kampionatit. Sigurisht, nuk është mjaftueshëm për një klub si United, por jemi përmirësuar në krahasim me sezonin e kaluar. Kemi ndeshje të mëdha përpara dhe duhet të jemi gati”, u shpreh De Gea.
Top Channel
