Një 31-vjeçar është vënë në pranga në Kakavijë, pasi u pasi u kap me lëndë narkotike në çantë.
Shtetasi nga Kosova u ndalua nga Policia Kufitare e Kakavijës në dalje të Shqipërisë, pasi në çantë kishte një vazo me kanabis. Prokuroria e Gjirokastrës ka nisur hetimin ndaj tij.
Njoftimi i policisë:
Shërbimet e Policisë Kufitare Kakavijë, në kuadër të intensifikimit të kontrolleve të bazuara në analizën e riskut, për parandalimin dhe goditjen e krimeve kufitare, në dalje të RSh-së, kanë goditur një rast të veprimtarive kriminale në fushën e narkotikëve.
Gjatë kontrollit në vijën e dytë, në çantën e shtetasit G. Sh., shërbimet e Policisë Kufitare gjetën një sasi lënde të dyshuar narkotike kanabis, e cila u sekuestrua në cilësinë e provës materiale.
Në vijim të veprimeve procedurale, specialistët e Seksionit për Hetimin e Trafiqeve të Paligjshme dhe Narkotikëve të DVP Gjirokastër arrestuan në flagrancë shtetasin G. Sh., 31 vjeç, banues në Kosovë.
Materialet procedurale i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
Top Channel
