Mijëra fermerë protestojnë në Londër kundër taksës së re të qeverisë laburiste (fotot)
19/11 16:54
Presidenti i Ukrainës Volodymyr Zelenskyy falenderoi aleatët perëndimorë të cilët u angazhuan për ta mbështetur Ukrainën për sa kohë të jetë e nevojshme përballë agresionit rus.
Të premten, pas takimit të Grupit të Kontaktit për Mbrojtjen e Ukrainës, që u mbajt në Gjermani, Sekretari amerikan i Mbrojtjes Lloyd Austin tha se anëtarët e Grupit kishin dhënë më shumë se 55 miliardë dollarë ndihmë sigurie për Ukrainën.
Në fjalimin e të premtes zoti Zelenskyy tha se Ukraina ishte gati për një kundërofensivë ndaj Rusisë.
Sipas tij, përparësi mbetet vija e parë e frontit dhe Kievi po përgatit brigada dhe njësi të reja për të luftuar në vijën e parë.
Ditën e djeshme, u njoftua gjithashtu se brenda muajit maj 31 tanke amerikane Abrams do të mbërrijnë në një bazë në Gjermani dhe ukrainasit do të fillojnë një trajnim prej 10 javësh për përdorimin e tyre.
Ukraina i ka bërë vazhdimisht thirrje aleatëve të saj për ta furnizuar me tanke dhe armatime përpara kundërofensivës ndaj trupave ruse që pritet të fillojë në javët ose muajt e ardhshëm.
Ndërkohë, mes forcave ukrainase dhe trupave ruse po bëhen luftime të ashpra në qytetin e Bahmutit.
Të shtunën, ministria e Mbrotjes së Rusisë njoftoi se trupat e saj kishin vënë nën kontroll edhe tre rajone të tjera në pjesën perëndimore të qytetit.
Top Channel
