Sulmohet shtëpia e Netanyahu-t, dy raketa bien në oborrin e rezidencës së kryeministrit izraelit 16/11 22:45
Zëvendësministrja e Mbrojtjes së Ukrainës, Hanna Maliar, ka refuzuar thirrjet për një afat kohor për kundërsulmin e shumëpritur pranveror të vendit kundër forcave ruse, duke thënë se Kievi nuk do të bëjë një njoftim pasi ato plane janë të klasifikuara.
“Është e rëndësishme të kuptohet se nuk do të ketë asnjë ditë kur Forcat e Armatosura do të thonë: nesër do të nisim një kundërofensivë”- tha Maliar gjatë një interviste për transmetuesin kombëtar ukrainas të mërkurën, duke shtuar se: “Kjo është e pamundur në kohë lufte, sepse ky është informacion i klasifikuar.”
Kundërofensiva e pritshme nuk do të përfshinte vetëm disa operacione, por më tepër një përpjekje më të madhe drejt qëllimit strategjik të çlirimit të të gjithë territorit ukrainas nga pushtimi rus, shtoi Maliar, duke vënë në dukje se do të përfshinte trajnimin e forcave të saj mbi pajisjet dhe plane të shumta si opsione.
“Plani është zgjedhur përfundimisht në mënyrë që armiku të mos ketë kohë për të reaguar ndaj tij. Duhet të kuptojmë se Forcat e Armatosura po përgatiten vazhdimisht, çdo ditë për çlirimin e plotë të territoreve tona. Dhe ky është një grup i madh masash, jo vetëm një kundërsulm”– tha ndër të tjera zv.ministrja e Mbrojtjes së Ukrainës.
Top Channel
