Anijet “fantazmë” ruse lundrojnë në Detin e Zi, përgatiten për sulm kundër Perëndimit

Transmetuesit publikë në Danimarkë, Norvegji, Suedi dhe Finlandë kanë nisur një hetim të përbashkët, ku thonë se Rusia ka një flotë anijesh të maskuara si funksionale për peshkim ose anije kërkimore në Detin e Zi.

Ata mbajnë pajisje mbikqyerje nënujore dhe po hartojnë vendet kryesore për sabotim të mundshëm, ku sipas një oficeri danez planet e sabotimit po përgatiten në rast të një konflikti të plotë me Perëndimin.

Kreu i inteligjencës norvegjeze tha se programi konsiderohej shumë i rëndësishëm për Rusinë dhe kontrollohej drejtpërdrejt nga Moska.

Të quajtura anije fantazmë, që lundrojnë në ujërat nordike, kanë fikur transmetuesit në mënyrë që të mos zbulojnë vendndodhjet e tyre.

Raporti fokusohet në një anije ruse të quajtur Admiral Vladimirsky. Zyrtarisht, kjo është një anije ekspedite Oqeanografike, ose anije kërkimore nënujore. por raporti pretendon se është një anije spiune ruse.

Dokumentari përdor një ish-ekspert anonim të Marinës Mbretërore të Mbretërisë së Bashkuar për të gjurmuar lëvizjet e anijes në afërsi të shtatë centraleve me erë në brigjet e MB dhe Holandës.

Ai thotë se anija ngadalësohet kur i afrohet zonave ku ka centralë me erë dhe anije të tjera në zonë dhe se ka lundruar për një muaj me transmetuesin e fikur.

E njëjta anije thuhet se u pa në brigjet skoceze vitin e kaluar. Ai u pa duke hyrë në Moray Firth më 10 nëntor dhe u pa rreth 30 milje detare në lindje të Lossiemouth, shtëpia e flotës së avionëve të patrullës detare të RAF përpara se të nisej ngadalë në perëndim.

Sipas BBC zyrtarët e Mbretërisë së Bashkuar janë të vetëdijshëm për qëllimin e Rusisë për të kryer atë që njihet si harta nënujore, duke përfshirë përdorimin e varkave që lëvizin në ujërat e Mbretërisë së Bashkuar.

Nëse ka kërcënime specifike kundër Britanisë së Madhe, këto do të hetohen, por burimet nuk pranuan të thonë se çfarë aktiviteti mund të ishte parë deri më tani.

Top Channel