“Për Shqiptarët”/ Lindi vetëm 850 gram, vuajtjet dhe sakrificat e familjes së Valdrinit! 1 vjeçari në luftë për jetën 22/11 23:29
Kryeministri i vendit i është nënshtruar një ndërhyrjeje kirurgjikale në Qendrën Spitalore Universitare “Nënë Tereza “.
Ai është paraqitur në urgjencë pak pas mesnatës të së dielës me apendicit akut dhe pasi i janë bërë ekzaminimet e duhura është vendosur për ndërhyrje kirurgjikale, e cili është kryer në orën në orën dy të mëngjesit të së hënës.
Kjo ndërhyrje është kryer me laparoskopi, çka i jep mundësi rikuperimi në një kohë me të shkurtër.
Madje mjekët thonë se është në gjendje të mirë shëndetësore dhe mund të dalë brenda 24 orëve nga spitali.
Shefi i shërbimit të Kirurgjisë në QSUT, Arben Gjata: Ishte një apendicit, u pa u plotësuar të gjitha ekzaminimet në QSUT, u bënë ekzaminimet imazherike dhe u mendua që duhej operuar, operacioni u krye me laparoscopi rreth orës 2 të mëngjesit, shkoi mirë, gjendja është stabël, e mirë, pa temperaturë, pa ndonjë problem, sot besoj do të fillojë dhe të ushqehet, besoj që brenda 24 orëve ndoshta mund të largohet.
Koha e rikuperimit total?
Gjata: Zakonisht është e shkurtër koha e rikuperimit 2-3 ditë.
Do duhet kujdes i shtuar duke qenë se është edhe fushatë?
Gjata: Nuk duhet të ketë asnjë kujdes të shtuar, apendiciti është hequr nga mijëra qytetarë shqiptare.
Kur mund të ecë vetë?
Gjata: Mund të ecë që sot, në fushatë dy tre ditë, të shohim si do të shkojë gjendja.
Domethënë e inauguruam spitalin e ri me kryeministrin.
Gjata: Jo jo janë sallat që kemi pasur, është i inauguruar para tre vjetësh.
Ekipi që realizoi ndërhyrjen kirurgjikale të kryeministrit Edi Rama përbëhej nga Shefi i shërbimit të Kirurgjisë, Prof. Arben Gjata, kirurgu Prof. Arben Beqiri, Dr. Dritan Reovica dhe shefi i shërbimit të reanimacionit Prof. Krenar Iila e Prof. Saimir Kuçi.
Top Channel
