Deklarata e fortë e Rusisë: Vendimi i Biden për Ukrainën mund të çojë në Luftën e Tretë Botërore 17/11 22:16
Kur në vitin e largët 1996, Audrey Glover i cilësoi zgjedhjet e manipuluara, Sali Berisha i mbylli derën.
Sot që shefja e ODIHR e konsideron faktor elektoral, Sali Berisha fshiu nga fjalori fjalën “armike” dhe vendosi ti shtrëngojë dorën ambasadores britanike. Nga ajo kohë rolet kanë ndryshuar, tashmë pa pushtet dhe në opozitë është Berisha ai që i ankohet kryevëzhgueses për qeverinë.
“Diskutuam gjerësisht mbi procesin zgjedhor, dhunimin në vlerësimin një nga një të ligjit elektoral dhe konventave ndërkombëtare për zgjedhje te lira”, tha Berisha.
Zgjedhjet e lira, duhet te ishin kryefjalë edhe e procesit zgjedhor të “96, por u kthyen në shembull sesi zgjedhjet nuk duhen bërë më. Socialistet në atë kohë në opozitë mbushen sheshet, por u dhunuan barbarisht. Sot është Berisha që flet për dhunë, por jo në kuptimin fizik.
“E informova gjithashtu zonjën për pucin antikushteutes ndaj opozitës shqiptare dhe bashkëpunimin e korrupsionit shqiptar dhe ndërkombëtar për të lënë vendin pa opozitë”, tha Berisha.
Në të njëjtën linjë me aleatin e tij, një thes me kritika për procesin kishte edhe Ilir Meta, që denoncoi tek shefja e ODIHR përdorimin e burimeve shtetërore nga partia në pushtet, problemet me listat e zgjedhësve si dhe vendimmarrjet e njëanshme sipas opozitës të KQZ.
Top Channel
