Protesta e 7 tetorit, policia ndalon 2 persona të tjerë për akte dhune dhe goditje të efektivëve 09/10 10:09
Ankesa e Enkelejd Alibeajt për përdorim të paligjshëm të simboleve te Partisë Demorkatike ra në vesh të shurdhët.
Vetëm pak orë pasi kryetari i komanduar demokrat i kërkoi KQZ dhe AMA-s nisjen e një hetimi administrativ, Sali Berisha dhe Ilir Meta u shfaqen në fushatë e Gramshit me flamujt e Partisë Demokratike. Sfida për debat publik ishte jo vetëm për Edi Ramën, por edhe kandidatët socialistë.
“Si mund të pranohet një kandidat që nuk pranon të dalë ballë për ballë me Hasimin. I them Edi Ramës hajde po ta mbajti, dalim në studio, t’ia numëroj tenderat e familjarëve të tij, le të m’i numërojë të miat, hajde nxirri, s’kam asnjë. A duhet të përballemi në TV me njëri-tjetrin? Këta s’e pranojnë, janë si hije, merr lopatën dhe ju mashtrojnë dhe do të mbjelle 3 mijë e 600 pemë por ku e kanë hallin? E kanë hallin te pylli 1 milion që pretendojnë se kanë mbjellë me Erion Veliajn në Tiranë”.
Edhe Ilir Meta tregoi se fizikisht ishte në Gramsh, por mendjen e kishte te beteja e kryeqytetit.
“Ju e dini shumë mirë sesi është keq qeverisur Gramshi në këto 4 vite. Por unë e di shumë mirë sesi është keq qeverisur Tirana. Asnjë nuk e di në Tiranë se kush ka qenë kryetari apo kryetarja e Këshillit të Bashkisë në 4 vjet. Sepse kurrë nuk është bërë një mbledhje e këshillit bashkiak sikurse bëheshin përpara 4 vitesh sikurse bëheshin gjithmonë. Me debate, me alternativa, me propozime, me amendamente për buxhetet, për taksat vendore, jo asnjëherë. Mbi 1 miliard euro taksa janë shpërdoruar në errësirë të plotë. Dhe kur kjo ka ndodhur në Tiranë, ju e dini shumë mirë, çfarë ka ndodhur në Gramsh”.
Gara në Gramsh zhvillohet vetëm mes dy kandidatëve, Hasim Çekrezit i Koalicionit “Bashkë Fitojmë” dhe socialistit Besian Ajazi.
Top Channel
