Aksident i rëndë në autostradën Durrës-Tiranë, makina me tre të rinj përfundon në kanal 24/11 22:37
Kandidatët primarëve nuk do të kenë pronar në fletën e votimit.
Në betejën e 14 majit, garojnë 36 subjekte politike, të cilët kanë të identifikuar emrin e kryetarit , por Koalicioni “Bashkë Fitojmë”, nuk do ketë as emrin e Sali Berishës dhe as të Ilir Metës në fletën e votimit.
Celibashi: Nuk ka patur interes për të vendosur emrin në fletën e votimit, do të jete emri i asnjë prej kryetarëve.
Mungesa e emrit drejtues të koalicionit “Bashkë Fitojmë” u kundërshtua nga juristi i Enkelejd Alibeajt i cili këmbënguli që kandidatët demokratë të Berishës të identifikohen me emrin e Ilir Metës në fletën e votimit.
Sefa-Celibashit: Thamë respekto ligjin vendos emrin, siç ke bërë në 32 vite. Është precedenti i parë dhe shumë i rrezikshëm.
Celibashi: Rregullo tonin.
Sefa: Po flas me shumë edukatë, është precedent shumë i rrezikshëm ky që po krijoni.
Celibashi: Është presion i hapur ky.
Indrit Sefa juristi i PD : Ilir Meta ky është emri i drejtuesit të koalicionit (me foto në dorë)
Altin Kaziaj juristi i Partisë së Lirisë: Zgjedhjet nuk i fiton kryetari.
Sherri mes dy grupimeve përfshiu edhe juristin që mbron interesat e Partisë Socialiste në KQZ. Por mbrojtja që Eridian Salinaji i dha kolegut demokrat u lexua si pazar mes të mëdhenjve nga juristi i Metës.
Kaziaj: Qëndrimet tregojnë haptazi marrëveshjen dhe qëndrimet e tyre për objektiva të përbashkëta.
Miratimi i përmbajtjes së fletës së votimit pa emrin e Berishës dhe të Metës i dha fund sherrit. Komisioneri lau duart edhe me kandidatin socialist Qerim Ismailaj të cilin vendosi ta çojë në Prokurori për hetim të thelluar.
Top Channel
