India mban shtatë ditë zie për ish-kryeministrin, përcillet për në banesën e fundit Manmohan Singh 28/12 11:28
Vendet evropiane kanë dënuar Rusinë pasi u shfaq në internet një video në të cilën pretendohet se tregonte momentin ku i pritej koka një ushtari ukrainas.
Ministri i Jashtëm holandez Wopke Hoekstra shkroi në Twitter se është “thellësisht i tmerruar” nga prerja e kokës, duke e quajtur atë një “akt të poshtër, barbar dhe një shkelje flagrante të Konventave të Gjenevës”.
“Një e keqe e tillë vetëm e forcon vendosmërinë tonë për të mbështetur Ukrainën për t’u mbrojtur kundër agresionit rus”, shtoi Hoekstra.
Dhe kryeministri suedez Ulf Kristersson shkroi në Twitter se Suedia do të punojë për të gjetur autorët.
“Suedia do të bëjë gjithçka që është në fuqinë tonë, gjithashtu gjatë Presidencës sonë të Këshillit të BE-së, për të siguruar që autorët e mizorive të kryera gjatë agresionit të Rusisë në Ukrainë do të mbahen para përgjegjësisë”, shkroi llogaria e qeverisë së Kristersson në Twitter.
“Ne do të qëndrojmë pranë Ukrainës për aq kohë sa të duhet.”
Top Channel
