Poloni, fermerët bllokojë kalimin kufitar me Ukrainën 24/11 08:48
Provokimet nga ana e Kinës kanë qenë të vazhdueshme sidomos këto dy vitet e fundit; por këtë herë situata duket më e rrezikshme se kurrë në Tajvan.
Sesa seriozisht po i marrin kërcënimet e Pekinit autoritetet tajvaneze, këtë e dëshmoi qartë stërvitja masive e organizuar në ishull me punonjës të ndërhyrjes të shpejtë dhe popullsisë civile, e cila simulon skenarë emergjence që përfshijnë sulmet me raketa dhe sulmet kimike. Në të gjithë Tajvanin po organizohen simulime të tilla të cilat synojnë përgatitjen e civilëve për katastrofa të mundshme, siç thonë zyrtarët vendas.
Anije luftarake dhe avionë kinezë kanë vazhduar të shihen përreth Tajvanit edhe pse Pekini i ka shpallur tashmë të mbyllura lojërat e tij masive të luftës. Përgjatë stërvitjeve tre ditore, forcat kineze u përgatitën të shenjtëronin objektivat kyçe dhe bllokimin e ishullit të vetëqeverisur.
Një ditë më parë, Kina njoftoi se do të vendosë një zonë të ndalim-fluturimit në veri të Tajvanit. Mbyllja e qiejve, sipas saj, është e lidhur me stërvitjet ushtarake. Kufizimet, sipas Tajpeit, do të jenë në fuqi për 12 orë gjatë së dielës.
Top Channel
