Më pak se një muaj para se të rikthehet në Shtëpinë e Bardhë, ja emrat e rinj të Trump për administratën 23/12 22:18
Nivelet e larta të ndotjes në qytetin verior të Tajlandës, Chiang Mai dhe provincat përreth po i mbajnë larg turistët dhe po alarmojnë vendasit, me qeverinë të hënën, më 10 prill, duke u kërkuar banorëve të shmangin aktivitetet në natyrë.
Për disa javë muajin e kaluar qyteti ishte në krye të grafikut global të platformës informative të cilësisë së ajrit, për cilësinë e dobët të ajrit, përpara Lahore, Pakistan dhe Nju Delhi, Indi.
Chiang Mai, i njohur për pamjet e tij piktoreske malore, tempujt dhe kafenetë elegante, priti 10.8 milionë vizitorë në periudhën para pandemisë 2019, por prenotimet e hoteleve në qytet kanë rënë në 45% të frekuencës, tha për Reuters presidenti i Shoqatës së Hoteleve Thai, Phunut Thanalaopanich.
Kjo është shumë më pak se 80% deri në 90% që pritet përpara festave të Vitit të Ri Thai të kësaj jave, të njohura si Songkran.
“Kjo ka ndikuar në biznesin tim … njerëzit nuk po vijnë, ata nuk mund ta shohin pamjen,” tha Sunat Insao, 53 vjeç, i cili shet lëng portokalli.
Duke adresuar përkeqësimin e cilësisë së ajrit në veri, ministria e shëndetësisë e Tajlandës i kërkoi publikut të shmangë aktivitetet në natyrë dhe të mbajë maska që mund të filtrojnë grimcat.
Chang Mai, qyteti i tretë më i madh i Tajlandës, arriti në 289 në indeksin e cilësisë së ajrit (AQI) të IQAir në mars, i cili mat nivelin e grimcave të imta të thithshme në ajër.
Të hënën ishte ulur në 171, por ishte ende 19 herë mbi nivelin e rekomanduar të Organizatës Botërore të Shëndetësisë.
“Ju mund ta ndjeni pluhurin në fytyrën tuaj”, tha Fernanda Gonzalez, 27, e cila ishte për vizitë nga Meksika.
Autoritetet kanë fajësuar një kombinim të zjarreve pyjore dhe djegies së të korrave në Tajlandë dhe vendet fqinje.
Top Channel
