“Rrezikohet integriteti i zgjedhjeve në Gjermani se mungon koha?”, analiza e DW: Partitë e vogla pa burime për të krijuar shpejt listat e kandidatëve 15/11 07:20
Sarkofagu i faraonit të lashtë egjiptian Ramses II, u zbulua përpara gazetarëve në Paris pas udhëtimit të tij të rrallë jashtë Egjiptit.
Arkivoli i zbukuruar me ornamente do të ekspozohet aty për publikun deri në 6 shtator.
Benedicte Lhoyer, këshilltare shkencore e ekspozitës, e cilësoi këtë një zhvillim të jashtëzakonshëm, pasojë e një “bashkëpunimi të paprecedentë mes Francës dhe Egjiptit”, siç e përshkroi ai.
Ekspozimi i Ramsesit II në Paris, është pjesë e një turneu që përfshin Shtetet e Bashkuara dhe Australinë, por vetëm Franca po e merr sarkofagun, e kjo në formë mirënjohjeje për ndihmën e dhënë nga shkencëtarët franceze në shpëtimin e mumies nga kalbja pas një vizite të mëparshme të këtë vend në vitin në 1976. Vetë mumia nuk është lëvizur këtë radhë, duke qenë se tani ligji egjiptian e ndalon transportimin e mumieve mbretërore jashtë vendit.
“Ramsesi II, i njohur gjithashtu si Ramsesi i Madh, sundoi për më shumë se 60 vjet gjatë shekullit të 13-të para Krishtit . Ai mbikëqyri pushtimet e mëdha ushtarake dhe projektet monumentale të ndërtimit, ndërsa gjeti gjithashtu kohën të bëhej babai me më shumë se 100 fëmijëve. Me pak fjalë, ishte një mbret i jashtëzakonshëm”, është shprehur Benedicte Lhoyer.
Franca ka 54 ekipe antikiteti që punojnë në Egjipt, më shumë se çdonjëri prej 25 vendeve që mban aktualisht njësi ekipe kërkimore atje.
Top Channel
