“Reunite Ukraine”, i zhvilluar në bashkëpunim me kompaninë amerikane të teknologjisë “Find My Parent”, synon të lidhë familjet e ndara nga konflikti. Vladimir Putin është akuzuar për transport të paligjshëm të fëmijëve ukrainas në Rusi nga Gjykata Ndërkombëtare Penale, e cila lëshoi një urdhër për arrestimin e tij.
Nënkryetari i policisë kombëtare të Ukrainës, Oleksander Fatsevych tha se: “Nëse ne gjejmë qoftë edhe një fëmijë në një mënyrë të tillë ose ribashkojmë një familje, do të jetë tashmë një fitore, e vogël, por me çdo lëvizje ne jemi tashmë një hap më shumë në gjendje të kthehemi në shtëpi të fëmijëve”.
Policia synon të kontrollojë dhe konfirmojë profilet personale në aplikacion dhe të veprojë si ndërmjetës mes tyre. Fatsevych tha se kjo do t’i mundësonte policisë të mbledhë më shumë të dhëna nga njerëzit në Rusi, Bjellorusi ose territoret e pushtuara që donin të ndihmonin fëmijët ukrainas.
Kremlini mohon rrëmbimin e fëmijëve, por nuk ka fshehur një të ashtuquajtur program humanitar për të sjellë mijëra fëmijë në Rusi nga zonat e pushtuara.
Komisionerja e saj për fëmijë, Maria Lvova-Belova, e cila gjithashtu përballet me një urdhër arresti të ICC-së për akuza të ngjashme ndaj zotit Putin, tha këtë javë se Rusia kishte pranuar më shumë se pesë milionë refugjatë nga rajoni lindor i Donbasit.
