Sulm me dronë pranë kufirit me Venezuelën, gjashtë ushtarë të vrarë, dhjetëra të plagosur në Kolumbi 19/12 22:54
Shkencëtarët kanë filmuar një peshk duke notuar në një thellësi të jashtëzakonshme në oqean, duke e bërë atë vëzhgimin më të thellë të kësaj natyre që është bërë ndonjëherë.
Një lloj peshku kërmilli i gjinisë Pseudoliparis, u filmua duke notuar në 8,336 m thellësi, në kanalin Izu-Ogasawara, në jug të Japonisë.
Shkencëtari kryesor tha se ky peshk-kërmill mund të jetë në thellësinë maksimale që çdo peshk mund të mbijetojë.
Vëzhgimi i mëparshëm tregon se peshku që ka notuar më thellë ka qenë deri në në 8,178 m, në jug në Paqësor në Hendekun Mariana. Prandaj, ky zbulim e thyen rekordin e thellësisë me 158 m.
Peshqit- kërmill janë vërtet të jashtëzakonshëm. Ka mbi 300 lloje, shumica e të cilave janë krijesa që jetojnë në ujë të cekët dhe mund të gjenden në grykëderdhjet e lumenjve.
Këta peshq janë përshtatur gjithashtu me jetën në ujërat e ftohta të Arktikut dhe Antarktikut, si dhe nën kushtet e presionit ekstrem që ekzistojnë në llogoret më të thella të botës. Trupat e tyre xhelatinoz i ndihmojnë ata të mbijetojnë.
Top Channel
