Emigrantët e “Gjadrit”, Meloni takim me ministrat: Kasacioni na dha neve të drejtë!
23/12 14:22
Balena vrasëse e njohur si Lolita duket një hap më afër kthimit në habitatin e saj natyror të Paqësorit Veriperëndimor, pasi performoi në një atraksion turistik të Majamit për dekada.
Ajo u mor nga oqeani në vitin 1970. Por pas një mosmarrëveshjeje të gjatë se ku i përket Lolita, zyrtarë nga parti të ndryshme njoftuan të enjten një “marrëveshje detyruese” për të marrë Lolitën – e njohur gjithashtu si Tokitae ose Toki – në “ujërat e saj”.
“Lolita do të marrë kujdesin më cilësor pasi ekipi punon për të bërë të mundur zhvendosjen në 18 deri në 24 muajt e ardhshëm,” tha në një deklaratë të enjten në Miami Seaquarium.
“E di që Lolita dëshiron të arrijë në ujërat e lira. Nuk më intereson çfarë thotë dikush. Ajo ka jetuar kaq gjatë për të pasur këtë mundësi. Dhe misioni im i vetëm është të ndihmoj këtë balenë të lirohet”, tha Jim Irsay, pronari i Indianapolis Colts i cili po ndihmon për të paguar për lëvizjen e Lolitës.
Ai tha të enjten se kostoja mund të arrijë “tetë shifra”.
Lolita besohet se është 57 vjeç. Avokatët thanë se janë identifikuar lokacione ku , familja e Lolitës ende noton. Nëna 95-vjeçare e Lolitës besohet se është ende gjallë, pasi mund të jetojnë deri në 90 vjeç.
Top Channel
