Publikohen në internet pjesë të kodit burimor që mbështet Twitter

Ai thotë se kodi është postuar në GitHub, një shërbim në pronësi të Microsoft ku zhvilluesit e softuerit ndajnë kodin. Pas kërkesës së Twitter tashmë janë fshirë.

“GitHub nuk komenton vendimet për heqjen e përmbajtjes. Megjithatë, në interes të transparencës, ne ndajmë publikisht çdo kërkesë për heqjen e DMCA [Digital Millennium Copyright Act]”, tha një zëdhënës i GitHub për BBC.

DMCA u nënshkrua në ligj në SHBA në vitin 1998. Ajo synon mbrojtjen e materialeve me të drejtë autori në internet.

Në kërkesën për heqje, Twitter i bëri thirrje GitHub të jepte informacione se kush fshihej pas llogarisë që zbuloi kodin – të quajtur FreeSpeechEnthusiast. Twitter me bazë në San Francisko ka deklaruar në dosje se llogaria kishte shkelur të drejtat e autorit në pronësi të kompanisë.

Kjo gjë krijon një sfidë të re për zotin Musk, i cili ka ulur fuqinë punëtore të Twitter me më shumë se një të tretën dhe është përballur me një eksod reklamuesish që kur bleu platformën në tetor të vitit të kaluar.

Ndërkohë, shefi ekzekutiv i Tesla-s thuhet se ka treguar se Twitter tani vlerësohet në më pak se 20 miliardë dollarë.

Vlerësimi i vlerës së kompanisë u bazua në ofertën e zotit Musk për grante të aksioneve për stafin, sipas faqeve të lajmeve teknologjike Platformer dhe Information, të cilat raportuan së pari historinë.

Top Channel