Elon Musk rikonfirmon mbështetjen për Trump, por Harris ‘tejkaloi pritshmëritë’ 11/09 10:23
Një vizatim i një fëmije në Rusi ndezi një hetim policor.
Në të majtë është një flamur ukrainas me fjalët “Lavdi Ukrainës”, në të djathtë, flamuri trengjyrësh rus dhe mbishkrimi “Jo luftës!”. Ndërsa raketat fluturojnë nga drejtimi i Rusisë, një nënë dhe vajza e saj qëndrojnë sfiduese për t’ thënë jo raketave. Ky është vizatimi i 12-vjeçares Masha.
Sipas këtij vizatimi, vajza e vogël ruse do të tregojë që është kundër luftës, ku vendi i saj, Rusia, prej kohësh tashmë ka pushtuar Ukrainën.
Shkolla e Mashës kontaktoi policinë pasi 12-vjeçarja vizatoi këtë foto. Fotoja u vizatua në prill të vitit të kaluar. Babai i saj Alexei, një prind i vetëm, kishte kontaktuar këshilltarin e qytetit për këshilla. Policia filloi të hetonte rrjetet sociale të Alexeit, dhe ata i thanë atij se po e rriste vajzën në mënyrë të keqe.
Ai kishte bërë një postim kundër luftës në mediat sociale, dhe u gjobit me 32,000 rubla për diskreditimin e forcave të armatosura ruse. Pak javë më parë ndaj tij u hap një çështje penale. Përsëri, postimet kundër luftës formuan bazën për akuzat për diskreditim. Këtë herë Alexei përballet me një dënim të mundshëm me burg.
Babai i Mashës aktualisht është nën arrest shtëpiak në Yefremov, ndërsa vajza e tij tani për tani është dërguar në shtëpinë e fëmijëve. Atij nuk i është lejuar as të flasë me të në telefon.
“Autoritetet ruse duan që të gjithë të ndjekin linjën. Askush nuk lejohet të ketë mendimin e vet. Nëse nuk jeni dakord me atë që mendon dikush, atëherë mos i lexoni postimet e tyre në rrjetet sociale. Por mos e vendosni atë person në arrest shtëpiak dhe fëmijën e tyre në shtëpinë e fëmijëve”, thotë një këshilltare.
Disa aktivistë janë në mbështetje të babit të Mashës: “Ktheje Mashën te babai i saj!”
Top Channel
