Rrëzimi i avionit në Kazakistan/ Hetimet tregojnë se avioni u godit nga jashtë, Rusia: Ishin dronët luftarakë ukrainas 27/12 20:50
Qeveria franceze është urdhëruar të ndalojë peshkimin në pjesë të bregdetit të saj perëndimor mes frikës se delfini i zakonshëm është në “rrezik serioz” për t’u zhdukur.
Instituti Oqeanografik Pelagis ka vlerësuar se rreth 1000 delfinë kanë ngordhur në brigjet e Atlantikut të vendit këtë dimër për shkak të “kapjes aksidentale gjatë peshkimit”. Shkencëtarët e lidhur me qeverinë vlerësojnë se rreth 10,000 delfinë vriten çdo vit vetëm në atë zonë detare të Francës perëndimore.
Organi gjyqësor francez, Këshilli Shtetëror i ka dhënë gjashtë muaj zyrtarëve të qeverisë për të ndaluar peshkimin në pjesë të Gjirit të Biscay dhe për të mbrojtur më mirë delfinët.
Vdekjet fajësohen kryesisht për peshkimin industrial dhe megjithëse ndërhyrja e këshillit u mirëprit nga konservatorët, aktivistët thanë se “shpresojnë se nuk është tepër vonë” për të shpëtuar shumë nga kafshët.
Ekspertët thanë gjithashtu se delfinët kanë ndryshuar modelet e tyre riprodhuese për të lindur më shpejt – një shenjë e njohur para zhdukjes.
Metodat e diskutueshme të peshkimit përfshijnë rrjeta franceze, ndonjëherë 31 milje të gjata, duke duke tërhequr pa dallim një gamë të plotë krijesash detare.
Autoritetet franceze kanë qenë nën presion prej disa vitesh për të bërë më shumë për të parandaluar shkallën e lartë të vdekshmërisë së krijesave të detit – dhe janë kritikuar se nuk kanë marrë masa më të forta.
Top Channel
