Donald Trump zgjedh financierin Scott Bessent për Sekretar të Thesarit, homoseksuali i parë që do të mbajë këtë post 23/11 07:47
Arabia Saudite ka liruar një shtetas amerikan nga burgu pas më shumë se një viti, i dënuar për postime kritike ndaj qeverisë, ka thënë familja e tij.
Saad Ibrahim Almadi, 72 vjeç, i cili gjithashtu ka nënshtetësi saudite, u arrestua në nëntor 2021 kur mbërriti në Riad për të vizituar familjen e tij. Ai u dënua në tetor me 16 vjet burg. Një gjykatë apeli e rriti afatin në 19 vjet muajin e kaluar.
Arsyeja e arrestimit ishin 14 postime në Twitter që përfshinin kritika për prishjen e pjesëve të vjetra të qyteteve të Mekës dhe Jeddah, shqetësimin për varfërinë në mbretëri dhe një referencë për gazetarin e vrarë saudit Jamal Khashoggi.
Abdullah Alaoudh, drejtor saudit në Iniciativën e Lirisë, tha se Almadi ishte arrestuar gabimisht dhe ishte liruar vetëm si rezultat i fushatës së palodhur nga djali i tij dhe presionit ndërkombëtar.
Almadi u shpall fajtor nga një gjykatë për përpjekje për të destabilizuar mbretërinë dhe për mbështetjen dhe financimin e terrorizmit. Atij i është shqiptuar edhe ndalimi i udhëtimit për 16 vjet.
Djali i tij konfirmoi se babai i tij ishte në një rezidencë familjare në Riad, por tha se nuk ishte e qartë se kur mund të kthehej në shtëpinë e tij në Florida. “Të gjitha akuzat janë hequr, por ne duhet të luftojmë ndalimin e udhëtimit tani”, tha ai për Reuters.
As autoritetet amerikane dhe ato saudite nuk kanë komentuar lirimin e tij.
Presidenti i SHBA Joe Biden tha se ai kishte ngritur çështjen e Almadit dhe ato të qytetarëve të tjerë amerikanë që mbetën nën një ndalim udhëtimi në Arabinë Saudite, gjatë takimeve me Mbretin Salman dhe Princin e Kurorës Mohammed bin Salman, kur ai vizitoi korrikun e kaluar.
Lirimi i Almadit tregon se presioni strategjik funksionon dhe zyrtarët amerikanë duhet të vazhdojnë të bëjnë presion për lirimin e të burgosurve dhe heqjen e ndalimeve të udhëtimit.
Top Channel
