Të paktën dy të vdekur në sulmet ruse në juglindje të Ukrainës 04/11 21:27
Një shpërthim në veri të Krimesë së aneksuar ka shkatërruar raketat ruse, që transportoheshin me hekurudhë, me dronë, tha ministria e mbrojtjes e Ukrainës.
Ukraina njoftoi shpërthimet, por nuk tha në mënyrë eksplicite se qëndronte pas sulmit.
Nëse konfirmohet, do të ishte një sulm i rrallë i ushtrisë së Ukrainës në Krime, e cila është aneksuar që nga viti 2014.
“Shpërthimet vazhdojnë procesin e çmilitarizimit të Rusisë dhe përgatit gadishullin ukrainas të Krimesë për de-okupim”, thuhet në deklaratën e Ministrisë së Mbrojtjes të Ukrainës.
Kyiv tha se raketat ishin menduar për t’u përdorur nga flota ruse e Detit të Zi.
Një burrë 33-vjeçar ishte dërguar në spital pasi pësoi një lëndim me prerje nga një dron i rrëzuar. Disa ndërtesa morën flakë dhe rrjeti elektrik u dëmtua.
Rusia fajësoi për herë të fundit Ukrainën për kryerjen e një sulmi me dron në flotën e Detit të Zi në qytetin port të Krimesë, Sevastopol, në tetor 2022. Ai tha se nëntë dronë ishin përdorur në një sulm që dëmtoi një anije luftarake. Ukraina nuk e mori përgjegjësinë për sulmin.
Top Channel
