Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
NATO po diskuton nevojën për të forcuar kufijtë lindorë me Rusinë duke përqendruar pajisje dhe një kontingjent ushtarak prej deri në 300,000 ushtarë, gjë që duhet të pengojë Rusinë të zgjerojë luftën përtej Ukrainës.
NATO synon të ndalojë Rusinë nëse vendos ta zgjerojë luftën përtej Ukrainës dhe veprime të tilla do të kërkojnë koordinim dhe përpjekje të mëdha nga 30 anëtarët e NATO-s për të siguruar ushtarë, objekte trajnimi, sasi të mëdha armësh, pajisje dhe municione.
Megjithatë, gazeta thekson se koordinimi mund të jetë sfidues, pasi shumë aleatë tashmë janë të shqetësuar për rezervat e tyre të pamjaftueshme të municioneve, të cilat kërkojnë kohë dhe para për t’u rimbushur.
Në këtë drejtim Politico shkruan se krerët ushtarakë të NATO-s do të paraqesin plane të përditësuara të mbrojtjes rajonale.
Zyrtarët e Aleancës po parashtrojnë idenë se kufijtë e saj me Rusinë duhet të ruhen nga deri në 300,000 trupa, raporton gazeta.
Vihet re se grupi i parë i trupave të NATO-s mund të përbëhet nga rreth 100,000 ushtarë, gati për t’u vendosur brenda 10 ditëve. Ai mund të përfshijë trupa nga Polonia, Norvegjia, Estonia, Letonia dhe Lituania.
Skuadra e dytë e trupave, shkruan Politico, do të mbështesë këta ushtarë, të gatshëm për t’u dislokuar brenda 10-30 ditëve nga vende si Gjermania.
Top Channel
