Presidentja Osmani dekreton 21 prokurorë me mandat fillestar
17/03/2023 17:17
Policia e Kosovës konfiskon armatim në veri, dyshohet se lidhen me sulmin e Banjskësa 19/11 15:48
Presidentja e Republikës së Kosovës, Vjosa Osmani me propozim të Këshillit Prokurorial të Kosovës ka dekretuar sot 21 prokurorë me mandat fillestar për tre vite, ndërkohë që ata do të sistemohen në prokuroritë themelore.
Në ceremoninë e betimit, presidentja Osmani ka theksuar se integriteti dhe profesionalizmi i prokurorëve janë elemente thelbësore për një sistem të drejtësisë që garanton barazinë dhe besimin qytetar.
Në këtë kontekst, Osmani ftoi prokurorët e rinj që të angazhohen për një sistem të drejtësisë të pavarur, të pandikuar dhe profesional.
Sipas njoftimit së Presidencës, prokurorët e rinj janë betuar se gjatë kryerjes së detyrave do t’i qëndrojnë kurdoherë besnik Kushtetutës së Republikës së Kosovës, ligjeve në fuqi dhe do të respektojnë rregullat e etikës profesionale.
Top Channel
